O PSOE felicítase pola mellora da estrada DP-1105, “unha vía clave para a vertebración do Barbanza”

23 Maio 2023

O PSdG emitiu este martes 23 de maio un comunicado no que analiza os beneficios que vai ter a mellora da estrada DP-1105 anunciada pola Deputación, “unha vía clave para a vertebración do comarca” e máis, en concreto, para as comunicacións entre Noia, Lousame e Boiro. Os socialistas lembran que o pleno da Deputación aprobará este venres un investimento de 923.000 euros para a segunda fase de mellora da estrada nos termos municipais de Boiro e Lousame

A mellora dos primeiros 5 quilómetros ao seu paso por Noia supuxo un onvestimento de 600.000 euros

O secretario provincial e portavoz do PSdeG-PSOE na Deputación da Coruña, Bernardo Fernández, que o pasado mes de febreiro visitou a zona acompañado do alcalde de Boiro, José Ramón Romero, e do candidato socialista á alcaldía de Noia, Fran Pérez, para interesarse polas necesidades de mellora no vial, anunciou hoxe que a Deputación aprobará no pleno deste venres un investimento de 923.000 euros para continuar as obras de pavimentación da vía nos termos municipais de Boiro e Lousame.

En concreto, as obras darán continuidade ás executadas nos primeiros 5,5 quilómetros da estrada ao seu paso por Noia, chegando ata o punto quilométrico 12+900 (un tramo de 7,5 quilómetros).

“É un novo avance nunha estrada clave nas comunicación da comarca e que rexistra un volume diario de tráfico moi importante”, afirmou Bernardo Fernández, que subliñou o compromiso do Goberno provincial de acometer tamén a derradeira fase de pavimentación da estrada e de mellorar o alumeado e sinalización da vía, así como algún puntos do trazado.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...