Municipais 2023: Pontón destaca en Rianxo os concellos BNG “que apostan sempre polo local, por crear industria e polo dinamismo económico”

23 Maio 2023

A portavoz nacional, Ana Pontón, estivo presente hoxe en Rianxo acompañando ao candidato do BNG á súa Alcaldía, Xusto Ordóñez, nunha visita á empresa D-Due, “todo un símbolo da capacidade que ten este País, dende Rianxo, dende Galiza, de traballar desde aquí para todo o mundo”, remarcou.

Pontón puxo en valor “a candidatura renovada” que encabeza Xusto Ordóñez, “un home que ten Rianxo no corazón, que coñece moi ben o concello e ten capacidade de impulso” e amosouse “convencida” de que Ordóñez “será o mellor alcalde de Rianxo” despois da cita coas urnas o vindeiro 28 de maio.

A líder do BNG subliñou a transformación que o modelo do BNG para os municipios xera nos concellos onde goberna, como é o caso dos últimos doce anos en Rianxo “porque, dende o punto de vista económico, estamos no mandato que lle deu o impulso máis importante a Rianxo, con todas as apostas que se fixeron para que aquí se instalen empresas, até que chegou o BNG Rianxo tiña un polígono industrial sen suficiente dotación para ser atractivo”.

Pontón destacou como Rianxo “soubo investir e conseguiu atraer a numerosas empresas da alimentación para que hoxe asenten aquí e garantan que nos seguintes anos este sexa un dos concellos máis punteiros da comarca, iso é un sinal de identidade do BNG”, valorou.

A portavoz nacional puxo en valor a capacidade do Bloque “en apostar sempre polo local alá onde goberna, por crear industria, polo dinamismo económico, e Rianxo é un exemplo desa capacidade, un exemplo que ten que continuar”. E salientou a mellora da calidade de vida ao longo destes últimos doce anos neste concello grazas ao dinamismo económico e industrial propiciado polo goberno municipal do BNG.

“Quero facer un chamamento a todos os veciños e veciñas a que collan a papeleta do BNG para que Rianxo siga avanzando”, emprazou a líder do Bloque, que convidou á cidadanía rianxeira “a seguir camiñando cunha candidatura renovada para dar a Rianxo un futuro mellor”. Colocou ao BNG como a candidatura “que garante que Rianxo siga a progresar, que fará que este concello siga tendo moito máis futuro e que non se bote atrás o feito ao longo destes doce anos”, concluíu.

Xusto Ordóñez: “O BNG conseguiu que as empresas ocuparan todo o polígono industrial de Rianxo”

O candidato do BNG á Alcaldía, Xusto Ordóñez, valorou que empresas como D-Due se instalen en Rianxo nun polígono “no que cando o BNG chegou ao goberno estaba estartelado, con roubos de cobre, sen saneamento e abastecemento. Fixémolo e en dous anos ocupamos todo o seu espazo”, explicou.

Ordóñez puxo de exemplo “a implicación” do Bloque na economía municipal e como Rianxo  se acolleu á figura do Concello Emprendedor, “a través da cal conseguimos que toda empresa en Rianxo teña descontos en IBI e de ICIO o 95%”, declarou, e remarcou a aposta que o BNG fai dende a Alcaldía “falando coas grandes empresas de alimentación  que van traer a Rianxo 800 postos de traballo, a maior parte femininos”.

Un eido, o do feminismo e emancipación da muller, no que o BNG traballa en Rianxo para ofrecer unha futura gardería municipal “que facilite a conciliación, porque apostamos por un municipio que pense en feminino”, subliñou Ordóñez. Un avance ao que se lle suma, no ámbito forestal, a futura base comarcal antiincendios que se instalará, tamén, neste municipio.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...