A Pobra impulsa unha xornada de seguridade e emerxencias de ámbito comarcal

25 Maio 2023

A comezos do mes de xuño realizarase a I Xornada de Confraternidade da Seguridade e Emerxencias da comarca do Barbanza que promove a Concellaría da Seguridade da Pobra do Caramiñal en colaboración coa Mancomunidade Barbanza Arousa.

Destinada aos diferentes corpos de toda a contorna, esta cita “busca afianzar lazos e unificar criterios que redunden nunha mellora dos distintos dispositivos”, segundo explicaron o alcalde, Xosé Lois Piñeiro; o concelleiro da Seguridade, José Andrés Lojo; e a xerente do ente supramunicipal, Fátima Cachafeiro.

O evento vertébrase en tres piares: exposición, charlas e simulacro. Unha exhibición de medios para a comunidade educativa marcará o inicio desta xornada no día 1 coa asistencia de máis de medio milleiro de escolares. A despregadura de recursos concentrarase na praza Alcalde Segundo Durán, dende as 09.00 ata as 14.00 horas.

Pola tarde será a quenda dos simposios, a partir das 16.00 horas, no Auditorio do Museo Valle-Inclán. Membros do distrito forestal IV impartirán Radiografía dun lume forestal. Deseguido, o subdirector xeral de Planificación e Protección Civil da Xunta, José Antonio Grandas Arias, falará sobre mobilización de medios dispoñíbeis para afrontar unha emerxencia.

Tamén haberá unha mesa redonda composta por un membro de cada equipo actuante ante unha emerxencia. Presentarase, ademais, o Plan de Autoprotección do río das Pedras, elaborado pola Administración local pobrense. Os ditos coloquios estarán abertos ao público en xeral.

Precisamente o referido espazo natural será escenario no día 2 dun simulacro de lume forestal, evacuación e rescate, en horario de mañá, que lle porá fin a esta primeira edición.

Outros artigos

CONGALSA recolle o Premio á Empresa do Ano

A empresa CONGALSA, con sede principal na Pobra do Caramiñal e centrada no ámbito da alimentación baseada en produtos pesqueiros, amais de ser un referente en innovación, transformación e responsabilidade social empresarial, vén de recoller o Premio de Empresa do Ano....

+

Publicidade

Revista en papel

Opinión

“O Barbanza: Cinco anos de xornalismo independente”

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...