Veñen os observadores de pesca de baixura. De momento, 20

O Diario Oficial de Galicia (DOG) publicou este luns o anuncio do concurso para a formación de observadores de pesca de baixura , para avanzar na obtención de datos e optimizar a xestión sustentable das pesqueiras, Un dos fins é o de crear unha bolsa de profesionais cualificados para realizar estas funcións e complementar as necesidades específicas das pesqueiras xestionadas no ámbito da Rede entre o sector `pesqueiro e os organismos científicos de Galicia,

A este curso poderán acceder 20,persoas con licenciatura ou grao en bioloxía e ciencias do mar. Impartiranse neste curso nocións básicas de xestión pesqueira, coñecemento sobre tipos de buques e artes de pesca, frotas e especies de interese pesqueiro, normativa e aspectos relacionados copa vida a bordo, entre outros contidos.

En definitiva, trátase de formar observadores  que realicen funcións e complementen as  necesidades específicas de mostraxes en actividades pesqueiras tendentes a unha formación que se centre nas taefas a realizar polos observadores, entre elas a recollida de datos en buques que faenen nas augas interiores de Galicia.

Os seleccionados para o curso será, como xa se dixo, 20, todos eles con licenciatura ou grao de bioloxía e ciencias do mar, en situación laboral de desemprego ou en activo que non presten servizos nas administracións públicas  e outras entidades oficiais. A duración da formación será de 60 horas lectivas, 50 delas on line e 10 presenciais divididas en tres módulos,

Impartiránse, entre outros contidos, nocións básicas de xestión pesqueira, coñecemento sobre tipos de buques e artes de pesca, frotas e especies de interese pesqueiro e normativa. Tamén se abordarán no curso cuestións relacionadas cos requisitos e responsabilidades do observador pesqueiro, a vida e traballo a bordo, así como contidos sobre metodoloxía de observación do tempo, e haberá sesións prácticas.

O prazo de presentación de solicitudes é de 20 días a partir deste martes.

Son novas expectativas que, teóricamente, deben repercutir favorablemente nun sector sempre en transformación.