A Casa da Cultura Raquel Fernández Soler da Pobra do Caramiñal dará cabida no 11 de abril, ás 12.00 horas, á apertura da mostra fotográfica CEGASAL, unha asociación de persoas para as persoas.
Ao acto asistirán a concelleira da Cultura, Patricia Lojo; o vicepresidente primeiro da entidade, Mino Martínez; e a vicepresidenta segunda, Silvia Alende.
DÍA: 11 de abril
HORA: 12.00 horas
LUGAR: Casa da Cultura Raquel Fernández Soler da Pobra do Caramiñal
Con esta exposición, CEGASAL (Asociación Empresarial Galega de Centros Especiais de Emprego Sen Ánimo de Lucro) busca “achegar a todas as persoas ao mundo laboral das persoas con capacidades diferentes”.
O autor das fotografías que conforman a mostra é o fotógrafo coruñés Diego Silva, quen ao longo de dous anos e medio acudiu a once centros especiais de once centros especiais de emprego para plasmar en imaxes a actividade diaria destes profesionais.
