A Pobra do Caramiñal activou este mes de abril un novo ciclo musical para dinamizar espazos da vila aproveitando a chegada do bo tempo como antesala do verán. A concelleira da Cultura, Patricia Lojo, acompañada da técnica municipal desta área, Fita Sanisidro, foron as encargadas de dar a coñecer os detalles do ciclo Música no Solpor, que está integrado por tres grupos galegos de estilos diferentes, “co cal se busca pór en valor a música en directo”.
Human abrirá o cartel no 21 de abril cun concerto nos Xardíns de Valle-Inclán para, no día 28, cederlle o protagonismo a Leite con Jalletas, na praza de Maura; e porase o broche de ouro coa actuación de De Vacas, no 5 de maio, no Cantón da Leña.
Todas estas sesións musicais arrancarán ás 21.00 horas e cóntase coa colaboración da Rede Cultural da Deputación da Coruña.
