Brais Morán & Nasaufunk estarán en Boiro este sábado 22 de abril, onde ofrecerán un concerto na Pousada da Galiza Imaxinaria a partir das 21:30 horas.
A entrada anticipada será de 10 euros e na billeteira de 13 euros.
Con máis de 20 anos de traxectoria profesional na música, Brais Morán preséntase no 2023 como Brais Morán & Nasaufunk, como cantante e guitarrista, e acompañado polos músicos Manu Seoane nas guitarras, Xabi Cid na batería, o lucense Antón Torroncho no baixo e Fran Castro nos teclados.
Ofrece ao vivo un espectáculo bailón de música disco funk que inclúe temas inéditos e repasa clásicos de etapas anteriores, e completa un directo que continúa o camiño das súas cancións máis disco funk, soul, rock, cos seus ritmos afrobrasileiros característicos e os toques máis cálidos da música tradicional galega que completan o seu repertorio.