O alumnado participante no Programa Integrado de Emprego 2022-2023 do Concello de Boiro comezou este mes de abril a formación en Elaboración de pezas cárnicas. O curso terá unha duración de 40 horas e nel están a participar 14 alumnas do programa.
O obxectivo deste curso formativo é “adquirir competencias nas diferentes fases do proceso de preparación de pezas, manipulación e selección de carnes, desosado e modelado de pezas para a elaboración de diferentes produtos cárnicos”, segundo informaron fontes municipais.
A formación estase a levar a cabo no marco do Programa Integrado de Emprego do Concello de Boiro 2022-2023 que está dirixido exclusivamente a mulleres e no que participan un total de 100. Nesta edición o programa realizase coa colaboración do Concello da Pobra do Caramiñal e está financiado pola Consellería de Promoción do Emprego e Igualdade da Xunta de Galicia.
