A obra sobre a nenez de Castelao de Culturactiva chega a Portosín este domingo

27 Abril 2023

O programa FaraRedes da Secretaría Xeral de Política Lingüística vai levar ao concello de Porto do Son (logo da cita en Boiro deste 15 de abril) unha peza adicada a un dos máis destacados representantes da nosa literatura, a nosa arte, a nosa historia política e a nosa cultura en xeral: Alfonso Daniel Rodríguez Castelao. Trátase da obra Castelao, de Culturactiva Producións, escrita, dirixida e interpretada por mulleres. Recala en Portosín este domingo 30 de abril, na Casa da Cultura local a partir das 19.30 horas.

Castelao é a primeira obra sobre o autor de Rianxo dirixida á nenez, en concreto a un público de seis a 10 anos e ás súas familias. Con texto de Paula Carballeira e dirección de Fina Calleja, a peza presenta un Alfonso Daniel de oito anos feliz e aventureiro na súa vila natal.

“Trátase dunha montaxe de ritmo trepidante na que a tensión dramática cabalga sobre o lombo dunha persecución polas rúas de Rianxo nas horas previas á partida cara Arxentina do escritor e a súa nai”, explicou na presentación da obra o secretario xeral de Política Lingüística, Valentín García, engadindo que “para facer aínda máis atractiva a representación”, os diálogos de ficción introducen elementos marabillosos combinados con elementos recoñecíbeis da obra de Castelao, cos que o elenco, a música e o deseño de iluminación xogan creando un espectáculo cheo de plasticidade, cor e ritmo.

A obra estreouse no Auditorio Constante Liste de Teo. Despois iniciou unha xira que a levou a visitar O Barco de Valdeorras (Auditorio Lauro Olmo) o 31 de marzo ás 19,30 h. Estes días recala en Viveiro (Teatro Pastor Díaz) o 14 de abril ás 18,00 h; en Boiro (Casa da Cultura Ramón Martínez López) o 15 de abril ás 19,00 h; en Vilalba (Auditorio Carmen Estévez) o 16 de abril ás 18,00 h; en Vilagarcía de Arousa (Auditorio Municipal) o 22 de abril ás 18,00h; no Porriño (Centro Cultural) o 28 de abril ás 17,00 h; en Monforte de Lemos (Edificio Multiusos) o 29 de abril ás 18,00 h e en Porto do Son (Casa da Cultural de Portosín) o 30 de abril ás 19.30 h.

Outros artigos

Adxudicada a mellora do entorno do Hórreo de Araño

O Concello de Rianxo informou da adxudicación da obra de mellora do entorno do Hórreo do Araño. O proxecto conta cun orzamento total de 215.985€. A Xunta de Galicia, a través da Axencia de Turismo, achega 145.000€ e os restantes o Concello de Rianxo. A actuación que...

+

ButacaZero inicia en Muros a xira galega de “A velada de Londres”

A velada de Londres, a nova produción da plataforma creativa ButacaZero, inicia esta fin de semana a súa xira por auditorios e salas de Galicia. Muros, As Pontes, Vigo, Foz, Noia e Cee serán as escalas dunha montaxe que rende tributo á figura e legado do dramaturgo,...

+

Publicidade

Revista en papel

Opinión

“Lo imposible es posible” – Manuel Domínguez

“Lo imposible es posible” – Manuel Domínguez

Lo imposible es posible. Antonio, (nombre ficticio), es un fumador desde los 14 años, con sesenta toma sus vinos y consume , ya no fuma cajetillas sino que él hace sus propios pitillos, artesanía, fue al médico, su futuro es no muy largo, sus venas son muy solidas,...

“En democracia no hay ideas prohibidas”. José Castro López

“En democracia no hay ideas prohibidas”. José Castro López

La escritora británica Evelyn Beatrice Hall publicó en 1906 el libro “The Friends ofVoltaire” en el que relata como entendía la tolerancia el filósofo francés y dejó para lahistoria la frase “No estoy de acuerdo con lo que dices, pero defenderé con mi vida tuderecho a...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.