A conselleira de Política Social e Xuventude, Fabiola García, estivo este martes 18 de abril na súa terra (Ribeira) para coñecer de primeira man as actividades que está a desenvolver este ano a Asociación Ambar a prol da integración laboral e social das persoas con diversidade funcional (labor que a entidade con sede principal en Frións, Ribeira, leva a cabo dende hai catro décadas). Fabiola García salientou o traballo de Ambar e os seus múltiples beneficios á sociedade do Barbanza e de Galicia no transcurso dunha visita aos centros de día e ocupacional desta asociación, na que estivo acompañado do alcalde de Ribeira, Manuel Ruiz.
Fabiola García fixo fincapé na atención especializada e no cariño con que todo o equipo de Ambar coida das persoas que acoden diariamente ás súas instalacións. Tamén asegurou que a traxectoria da entidade fai dela unha referente en Galicia.
