O voceiro da Plataforma Stop Deshaucios Barbanza, José Manuel Pena, presentou desde a sede electrónica do Parlamento de Galicia unha pregunta da chamada “Iniciativa Popular” sobre a problemática real e actual acerca da carencia de vivendas sociais en réxime de alugueiro social. Na pregunta destácase importancia destas vivendas para atender os casos de garantir unha alternativa habitacional a disposición de familias vulnerábeis, en caso de desaloxo xudicial dos seus domicilios habituais por falta de pagamentos hipotecaria ou de rendas de alugueiro.
