Noia Histórica e Terra Saúde organizan este xoves día 16 de marzo, no Edificio do Casino (rúa de Galicia 8), unha charla que botará luz sobre a frutífera, complexa e histórica relación entre os libros e a cultura mariñeira, unha confluencia temática da que abrollaron grandes obras da literatura e grandes poetas e novelistas. A charla Literatura e o Mar porá en foco en cuestións como a sustentabilidade, a vida no mar, os segredos que agochan os fondos mariños e os contos e as novelas que tratan sobre a vida no mar, alén doutras temáticas relacionadas cos barcos máis literarios e cos animais mariños que foron protagonistas de libros senlleiros.
Contarase coa presenza da libreira e escritora Mercedes Corbillón, o mariñeiro e comunicador Rogelio Santos Queiruga e todo presentado e moderado por Enrique Suárez.
