A VI Xornada da Frota do Cerco. Celebrada onte na localidade coruñesa de Sada, coa organización da Asolciación de Armadores de Cerco de Galicia (ACERGA) centrou a súa atención na inspección e control de pesqueiras, con mencións específicas ás dificultades que para o sector ten a falta de cotas, a eólica mariña e a suba dos custes operativos.
A alcaldesa de Sada, María Nogareda, salientou a importancia que para esta vila tivo e ten o cerco. A continuación, o director xeral de Ordenación Pesqueira e Acuicultura, Ignacio Gandarias, abordou o control das pesqueiras sinalando que con este tipo de medidas non se pretende demonizar ao sector, senón asegurar o cumprimento da normativa para o beneficio de toda a frota. Gandarias debullou aspectos do novo regulamento de control (en trílogos desde o ano 2021) e os asuntos que sobre o particular contén este regulamento, dando conta de cales están pechados -como é o caso da xeolocalización, o diario eletrónico de abordo, os motores ou as sancións.
A xeolocalización, afirmou, é de suma trascendencia para o cerco, ao igual que o é para todos os barcos de eslora igual ou superior aos 12 metros. A medida, a máis de ser un elemento de control, outorgará información á administración sobre as zonas nas qwue faenan os pesqueiros, cuestión esta que permitirá á propia administración concernida adoptar millores decisións sobre a ordenación do espazo marítimo. Un interesante debate abordou a medida dos motores de máis de 221 Kw., que deberán ser equipados con dispositivos de medición contínua, de tal xeito que se poida comprobar e regular a potencia motriz.
Outro asunto de interese foi o marxe de tolerancia para pequenos peláxicos, para os que o regulamento permitirá algunhas excepcións nas declaracións, polo que ata un 2% do desembarque pode non figurar declarado no diario.
Ignacio Gandarias dixo tamén que de erradicaren as accións irregulares váise poder realizar unha xestión axeitada e sostible dos recursos. (O 30 de maio celebrarase o último trílogo , baixo a presidencia de Suecia).
Noemí Munguía, da Subdirección Xeral da Vixilancia Pesqueira e Loita Contra a Pesca Ilegal, falou do Diario Eletrónico de Abordo (DEA)e os cambios qwue se introducen neste desde 2020, cambios que permiten a obtención dun maior número de datos, como por exemplo a interacción con cetáceos, de grande utilidade para a comunidade científica.
O inspector de Pesca do Ministerio, Mauro Fachal, fixo un repaso de cada un dos puntos controlados na inspección pesqueira, antes, durante e após o desembarque e a aplicación do marxe de tolerancia.
Nicolás Troncoso, xerente de Datafish, referíuse á observación eletrónica, a instalación e calibramento das cámaras en función da arte e do buque, e o funcionamento de todo o sistema de observación; as cámaras, dixo, son utilizadas só no momento da pesca, enflcanbdl a manobra e o manexo das capturas. As imaxes son almacenadas en discos e encriptadas, o que imposibilita a súa modificación e/ou visionado. Aportan unha grande cantidade de información, que pode ser utilizada para a realización de cambios na normativa.
