Esta tarde, os equipos de emerxencia interviñeron noutro suceso en Ribeira, concretamente na rúa Álvaro Cunqueiro. Unha persoa particular contactaba co 112 Galicia, sobre as dúas deste mediodía, para pedir axuda. Indicaba que non era capaz de abrir a porta da caravana onde reside un familiar. Segundo a información facilitada polo alertador ao 112, o varón non respondía aos intentos de comunicación malia que era posible distinguir a súa presenza no interior do vehículo. Ata o lugar, desprazáronse de inmediato os Bombeiros de Ribeira, tras ser informados polo 112 Galicia.
Así, desde o 112 ademáis de pasar aviso aos Bombeiros, informouse dos feitos aos profesionais de Urxencias Sanitarias de Galicia-061, tamén, aos membros do GAEM (Grupo de Apoio e Emerxencias Municipal) e aos efectivos de Protección Civil.
Finalmente, os bombeiros, tras acceder ao vehículo, constataron que o home estaba falecido.
Os axentes da Policía Local e Nacional, que investigan as causas do suceso, tamén foron informados polo 112 Galicia.
