A Asociación Ambar das persoas con Diversidade funcional, con sede na nosa comarca, realizou nesta xornada varias accións para conmemorar o 8M, Día Internacional da Muller.
Unha delas foi visitar as instalacións de CONGALSA para levar un obsequio ás traballadoras da corporación. Mari Carmen Crugeiras, María Helena Oujo, Sonia Alonso, Mónica Rial e Sonia Piñeiro foron as mulleres que representaron a Ambar entregando un agasallo a todo o equipo da empresa na sede de CONGALSA para conmemorar o 8-M. Tamén estivo presente Helena Teira, coordinadora xeral de Ambar.
A asociación tamén participou no Consistorio de Boiro nas homenaxes ás mulleres organizadas polo Concello. Organizouse un roteiro da memoria a través da figura das veciñas senlleiras de Cimadevila. Paula Ramallo, Manola Davila, Vanesa Mirás e Noelia Argibay leron un manifesto acompañadas das entidades Cruz Vermella e Asociación Amicos.
As integrantes que representaron a Asociación Ambar puxeron en manifesto o seu compromiso
na loita polo apoderamento das mulleres con diversidade funcional, convivindo en valores de igual dade, respecto e apoio mutuo.
Activas na comarca e na Rede
Ademais da participación nos actos desta mañá, parte das usuarias de Ambar xuntáronse para realizar un vídeo reivindicativo a través da poesía para conmemorar o Día Internacional da Muller. Dito vídeo está xa circulando polas redes da asociación e tamén pode verse na canle de Youtube da mesma.
