A mostra sobre o mundo persoal de Valle-Inclán que acubilla o Colexio de Fonseca pode verse até este sábado 1

30 Marzo 2023

A Universidade de Santiago organiza estes días unha homenaxe expositiva a Ramón María del Valle-Inclán, poñendo o foco no seu mundo persoal e achegando unha visión a boa parte do patrimonio artístico que albergaba no seu domicilio, situado no número 5 da madrileña rúa Francisco de Rojas. A mostra Valle-Inclán íntimo, materializada coas coleccións particulares dos irmáns Valle-Inclán Alsina (Fernando, Miguel e Javier) pode verse no Colexio de Fonseca ata o 1 de abril.

Obra pictórica, escultórica, debuxos, caricaturas, retratos de sinaturas coñecidas así como outros obxectos persoais, pero tamén mobiliario, son algúns dos elementos que integran a mostra. A directora da Cátedra institucional da USC que leva o nome do autor e comisaria da exposición, Margarita Santos Zas, salientou estes días a gran acollida que tivo a iniciativa dende a súa apertura ao público a comezos de febreiro. Santos Zas comparte o comisariado con Javier del Valle-Inclán Alsina e José Manuel López Vázquez.

Todos os materiais expostos seguen unha pauta organizativa de carácter estético, que se plasma na súa disposición no salón Artesoado, a Capela e a Sancristía do Colexio de Fonseca. As cinco seccións que conforman a mostra  establecen un diálogo con materiais documentais asociados ao escritor: as súas entrevistas, conferencias, cartas, fotografías, textos das súas obras orixinais, ou manuscritos do seu puño e letra, entre outros. 

Organizada pola Cátedra Valle-Inclán, a mostra conta coa colaboración do Grupo de Investigación Valle-Inclán da USC e o apoio da Deputación da Coruña, o xornal La Voz de Galicia e a Xunta de Galicia. O horario de apertura esténdese das 11.00 ás 14.00 horas e das 17.00 ás 20.30 horas de luns a sábado.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...