O Concello de Ribeira informa do remate da actuación dirixida á renovación da pavimentación e a dotación dos servizos municipais de pluviais e saneamento nas rúas Chaprado e Ceboleira, ambas localizadas na parroquias de Corrubedo.
Antes das obras, ambas vías carecían de servizos de saneamento nin rede de pluviais.
Na rúa Chaprado instalouse un colector de PVC corrugado polo centro da calzada para a canalización de pluviais e un colector de PVC liso para o saneamento. Ademais, aplicouse un pavimento de formigón intercalado con franxas de lousas de granito.
No que respecta á rúa Ceboleira, dispúxose tamén un colector de PVC corrugado e outro de PVC liso, e no que se refire ao pavimento estendeuse unha solución de formigón.
A obra foi executada pola empresa Mantido S.L. e comportou unha inversión de 88.044,13 euros, IVE incluído.
A actuación está enmarcada no o Plan Provincial de Cooperación ás Obras e Servizos de Competencia Municipal POS+2021 aprobado pola Deputación.
