O Concello de Porto do Son vai acoller a comezos de marzo o servizo itinerante Coidados Porta A Porta, impulsado pola Xunta para “ofrecer consultas de audioloxía, podoloxía e estimulación da memoria de xeito gratuíto á poboación maior de 55 anos”. As veciñas e os veciños de Porto do Son contarán con este servizo do 1 ao 3 de marzo na fachada marítima da vila.
Os servizos que se prestarán son:
-Estimulación da memoria cognitiva e funcional, promoción de hábitos de vida saudábeis e de envellecemento activo.
-Podoloxía. Corte e limpeza de unllas, eliminación de durezas.
-Audioloxía. Exploración do oído, prevención da perda auditiva.
Para gozar destes servizos deben concertar cita previa a través das seguintes canles:
622 748 283 – 623 546 992
coidadosportaaporta.politicasocial@xunta.gal
