Tal como recollemos en obarbanza.gal uns mariscadores pertencentes á confraría de Aguiño localizaron fai un par de anos os canóns e enseguida púxose en marcha un operativo para recuperalos. Este xoves, un equipo formado por unha ducia de mergulladores, pertencentes á Armada e á Policía Autonómica, e apoiados por especialistas da Dirección Xeral de Patrimonio, regresaron ao lugar e recuperaron outros dous canóns, duns 140 centímetros de lonxitude e 60 quilos de peso, e tres cargadores.
Estas cinco pezas foran localizadas xa nas inmersións efectuadas no 2021, pero a súa recuperación foise pospoñendo por diferentes motivos. Os mergulladores confirmaron o xoves que non se produciu espolio algún na zona e todos os restos que fosen identificados no pasado seguían no lugar. Todo indica que a actuación se completará hoxe coa realización dun rastrexo, por parte dos mergulladores, para tratar de localizar novos restos.
As cinco pezas de artillería recuperadas foron trasladadas á sede ferrolá da Armada para o seu exame e catalogación. Logo está previsto que pasen a engrosar os fondos do Museo do Mar de Vigo, tal e como sucedeu cos canóns reflotados no 2021.
As pezas foron recuperadas pola #UnidadDeBuceo de Ferrol, en colaboración de mergulladores do@upagalicia e o Servicio de Patrimonio Arqueolóxico da Xunta. Recuperaronse 2 esmeriles de 1’4 metros e calibre 40mm, e 3 servidores de alcuza en inmediacións de Corrubedo que foron levados o peirao de Aguiño.
En abril do 2021 en augas do litoral de Corrubedo recuperaronse dous canóns de bronce, aos que posteriormente se sumou un terceiro que fora expoliado, este xoves despregouse novamente un dispositivo no mesmo punto, que concluíu co rescate doutros dous canóns e tres cargadores de pólvora. Os canons levaban o escudo da Casa dos Austrias polo que se deduciu que os restos pertencen á Armada Invencible que de regreeso á España uns 25 afundíronse entre Fisterra e Corrubedo pero ata o 2021 só foran localizados os restos de sete deles.
