Este venres 3 de febreiro presentáronse os detalles da X proba da BTT Concello de Rianxo. Participaron Adolfo Muíños, alcalde de Rianxo, e José Manuel Chouza, presidente da PC Castro Barbudo. Segundo fixeron saber, a décima convocatoria da marcha rianxeira celebrarase o domingo 12 de febreiro, con saída e chegada no porto de Rianxo. A proba percorrerá os camiños e montes do termo municipal, entrando tamén nos de Dodro, Lousame e Rois. A proba está organizada pola Peña Cicloturista Castro Barbudo e polo servizo de deportes do Concello de Rianxo.
Trátase dun evento deportivo non competitivo en bicicleta de montaña, dividida en función da dificultade, en tres rutas (curta – 32 km), (media – 50 km) e (longa – 72 km).
De xeito simultáneo á proba BTT desenvolverase a VI Andaina Concello de Rianxo, de 20 km.
Agardase a participación de 600/700 deportistas.
Inscrición: ata o mércores, 8 de febreiro ás 23:59 h. en emesports (tanto a BTT como a Andaina).
O importe será de 20 euros.
Horario estimado: 9 a 15 h.
Saída e chegada: porto de Rianxo
Modalidade: evento deportivo non federado.
Categoría: maiores 18 anos (14 a 17 anos con autorización).
Programa
8:00 h. Recollida de dorsais
9:00 h. Saída das marchas do porto de Rianxo
11:00 h. 1º Corte – Ruta Curta 32 km.
11:45 h. 2º Corte – Ruta Media 50 km.
15:00 h. Hora estimada da chegada dos últimos participantes.
