A Pobra do Caramiñal despídese nesta fin de semana dunha nova edición do ciclo de teatro afeccionado posto en marcha pola Concellaría da Cultura, da cal é titular a edil Patricia Lojo (PSdeG-PSOE), coa colaboración da Rede Cultural da Deputación da Coruña. A última das sesións será este 5 de febreiro, ás 19.00 horas, no Teatro Cine Elma, coa función O Banco, a cargo de Teatro das Maniotas, do IES de Brión.
A peza trasladará o público a Vilaxaxún, onde se artella un atraco que se atopa coa resistencia dunha axente de seguridade aspirante a policía local que non sabe usar unha pistola; situación que fai que aumente o caos do cal son testemuñas varias persoas da vila.
O acceso é libre ata completar a cabida da instalación municipal.
