Ribeira celebra o día 4 de febreiro o día Mundial contra o Cancro, organizado pola AECC local

27 Xaneiro 2023
UNHA GALA DE PATINAXE, UNHA MISA EN MEMORIA DAS PERSOAS FALECIDAS E O PEDITORIO ANUAL SERÁN OS ACTOS POLO DÍA CONTRA O CANCRO

Con motivo da conmemoración o 4 de febreiro do Día Mundial Contra o Cancro, a sede ribeirense da AECC vén de dar a coñecer no consistorio local un programa de actos que se desenvolverán ao longo da seguinte semana.
A presentación contou coa participación de María José Carreira, María Cortizo e María José Paz no nome da devandita asociación, ademais do alcalde Manuel Ruiz e de Elena Rey e Rosi Domínguez en representación do Club Patinaxe Ribeira pois, non en van, un dos eventos que se van celebrar consiste nunha Gala Solidaria de Patinaxe Contra o Cancro.
María José Carreira deu conta dalgúns recentes e alarmantes datos, como que o 74% da poboación ten contacto directo con algunha persoa que ten cancro ou que no ano 2030 unha cada tres mulleres e
un de cada dous homes padecerán esta enfermidade. De aí a necesidade de sensibilizar á poboación para colaborar e axudar a fomentar así a investigación.
Rifas
O programa comezará o sábado 4 de febreiro ás 11 horas cun peditorio anual en diversas rúas de Ribeira, en tanto que ás 19 horas terá lugar a devandita Gala Solidaria de Patinaxe no Pavillón Municipal de Sirves que contará cun desfile e a participación de patinadores tanto de forma individual como por grupos, incluíndo subcampións galegos e na Copa de Europa. A entrada é gratuíta, máis os asistentes teñen a posibilidade de optar a un sorteo de regalos e vales de compra mercando rifas cuxa recadación irá
destinada a investigación. Isto é posible grazas á colaboración de vinte establecementos locais.
Por último, ás 12.30 horas do domingo 5 de febreiro na igrexa de Palmeira haberá unha misa solemne en lembranza de todas as persoas afectadas e falecidas polo cancro do termo municipal.
Colaboran o Coro Parroquial e o grupo de gaitas O Rueiro de Palmeira.
O alcalde Manuel Ruiz felicitou aos membros da AECC en Ribeira polo seu traballo, que xunto con iniciativas coma esta realizan moitas máis cousas en axuda ás familias e constitúen ademais unha parte
importantísima da vida cultural e deportiva no municipio, impulsando accións como a travesía a Illa de Rúa e a andaina contra o Cancro ou coa súa implicación no Xuño da Cultura.

Outros artigos

Presentados os novos párrocos no Barbanza

Este domingo o arcebispo de Santiago procedeu a presentar ós novos párrocos e moderadores das parroquias do Araño, Isorna, Taragoña, Fruime, Boiro, Abanqueiro, Bealo, Cabo de Cruz, Cespón , Cures e Macenda. O arcebispo de Santiago de Compostela, monseñor Francisco...

+

Publicidade

Revista en papel

Opinión

“Sociedad anestesiada”. José Antonio Constenla

“Sociedad anestesiada”. José Antonio Constenla

Bienaventurado el que tiene una oportunidad y la aprovecha, es lo que debiópensar Juan Carlos Unzué, ex guardameta de Osasuna, Barça, Tenerife ySevilla, cuando en una jornada organizada en el Congreso de los Diputadossobre la ELA (enfermedad que le diagnosticaron en...