A Mancomunidade Barbanza Arousa participará na próxima edición de FITUR 2023 cunha presentación no stand de Turismo de Galicia o mércores día 18 ás 17:15 horas.
Acompañando cun audiovisual, a Mancomunidade realiza unha presentación apelando ás emocións dos visitantes, ás emocións de experimentar vivencias no destino durante todo o ano.
A presentación tratará das actividades de ocio, do Camiño de Santiago, da enoloxía e da enogastronomía pero sobretodo dos lazos que se forxan entre os visitantes e a poboación local, compartindo experiencias, que quedarán no recordo das persoas que deciden vivir esta aventura en Barbanza Arousa.
Preséntase polo tanto Barbanza Arousa coma un destino con moito que descubrir aínda, que ofrece actividades para todos os públicos durante todo o ano e que permite desfrutar de diferentes actividades dende turismo activo, cultural, natural, enogastronómico e de festas e festivais. Transmitirase tamén as emocións das historias que é posible vivir no territorio, con experiencias únicas e que pon en valor as
empresas locais amosando as diferentes actividades que é posible realizar en Barbanza Arousa.
