España vai ser o principal país benefactor do instrumento financeiro da Comisión Europea co 21,1% do total do fondo e 1.220 millons de euros, aos que se sumarán 1.570 millóns máis ao sumar esa cantitade a cofinanciación nacional. E se a primeira cantidade dirixida a respaldar a implementación da Política Pesqueira Comùn (PPC) durante o período 2021-2027, cuxa execución práctica comezará co ano novo, Galicia pode ter un papel principal no conxunto: será a comunidade autónoma máis beneficiada , con 366 millóns de euros (o 32,67% do total asignado a España).
Andalucía será a segunda comunidade no marco do fondo total adxudicado a España , con 152 millóns de euros, seguida de Canarias con 88 millóns; Euskadi, con 83 millóns; Cataluña, 55, e Comunidade Valenciana con 54 millóns; Baleares con 93, Cantabria 15, Asturias 24 e Murcia, 19.
O Programa Operativo Español desenvólvese no marco do Pacto Verde Europeo, da PPC,
As actuacións previstas para o vindeiro ciclo estarán encamiñadas, deste xeito, a manter a viabilidade da actividade pesqueira mediante a xestión sostible e a conservación dos ecosistemas mariños, o fomento dunha acuicultura sustentable e competitiva, a modernización e dinamización da cadea de valor, o pulo da economía azul e o desenvolvemento das comunidades locais pesqueiras e acuícolas, principalmente a través dos Grupos de Acción Local (GAL).
A dixitalización, a innovación e a remuda xeracional son outros elementos fundamentais nestas formulacións conducentes, maioritariamente, ao meu criterio, a un estadío pesqueiro que pouco ou nada ten que ver co mantemento da frota e os postos de traballo que esta xera nas comunidades que, como é o caso de Galicia, tanto dependen da pesca.
Non é a que debuxan nos seus proxectos comunitarios a Galicia pesqueira necesaria. Sábeo ben o Goberno e aínda mellor a Xunta.
Non todo se pode tapar con cartos. E menos cando nin con estes se solucionan os problemas.
