A Asociación Ambar das persoas con diversidade funcional puido realizar o seu programa de lecer,
cultura e deportes inclusivos. Este proxecto, informou a asociación no seu balance desta recta final de ano, é posíbel co co-financiamento da Xunta de Galicia a través dos fondos do 0.7% do IRPF xestionado dende COGAMI.
O obxectivo é “promover da inclusión social das persoas con diversidade funcional a través de actividades deportivas e de ocio, creando ademais oportunidades de convivencia con outras persoas e axentes da comunidade”.
Segundo informou AMBAR, o proxecto xurdiu “da necesidade de afondar na inclusión dende a perspectiva da cohesión social entre diferentes axentes, fomentando a autonomía das persoas no seu entorno próximo e evitando que se institucionalice a persoas con diversidade en actividades illadas”. Por esa razón, o proxecto xira a través da participación tanto de persoas novas coma doutros membros da comunidade “fomentando así as relacións sociais e o apoio mutuo”.
Ambar conseguiu, a través deste programa, beneficiar a 221 persoas, e tamén promocionar a inclusión das persoas con diversidade funcional a través de actividades deportivas, de ocio e inclusión social, polo que aumentaron a súa autonomía e oportunidades de interacción social. Leváronse a cabo distintas actividades actividades de vela, estancias de campamento, saídas de ocio e visitas zonas do patrimonio cultural e marítimo da contorna.
