Este xoves 15 celebrouse en Boiro o pleno ordinario da Corporación correspondente a este mes de decembro. A sesión contou coa totalidade dos membros da Corporación, 17, e pode verse íntegra, como de costume, na canle municipal de YouTube. No seu transcurso aprobouse a moción do grupo do PSOE para instar á Xunta a arranxar a problemática das traballadoras do Consorcio Galego de Servizos de Igualdade e Benestar.
Votacións da sesión plenaria
1. Moción do grupo municipal do PP en relación coa provisión de prazas no hospital comarcal da Barbanza – rexeitada co voto de calidade do alcalde ao contar con 8 votos a favor (PP e IC Boiro), 8 votos en contra (PSOE, BNG, Boiro Novo) e 1 abstención (non adscrito).
2. Moción do grupo municipal do BNG en relación coa Policía Local – aprobada por unanimidade (17 votos a favor).
3. Moción do grupo municipal do PSdeG-PSOE para instar á Xunta de Galicia a arranxar a problemática das traballadoras do consorcio galego de servizos de igualdade e benestar – aprobada con 10 votos a favor (PSOE, BNG, Boiro Novo, IC Boiro e non adscrito) e 7 abstencións (PP).
No apartado de mocións de urxencia a concelleira de Boiro Novo- grupo mixto presentou unha moción para completar a presentada polo PSdeG-PSOE e instar á Xunta a que nos criterios de baremación da estabilización se teña en conta a experiencia das traballadoras nos postos desenvolvidos. A moción foi aprobada con 10 votos a favor (PSOE, BNG, Boiro Novo, IC Boiro e non adscrito) e 7 abstencións (PP).
