O Centro Internacional de Prensa de Galicia acolleu a presentación da obra “A miña irmá Antonia”, de Ramón María del Valle Inclán que se edita agora en lingua galega e versión facsímile. Trátase dun relato publicado en 1909 un dos contos breves para adultos máis depurados do escritor, unha obra de misterio que se desenvolve en escenarios moi coñecidos do casco vello compostelá e que son recollidos de forma ilustrada nesta nova publicación.
No acto de presentación desta edición de “A miña irmá Antonia ‘estiveron presentes o neto do escritor, Xaquin del Valle-lnclán; o director do museo adicado ao literato Antonio González Millán, o secretario Xeral de Política Lingüística, Valentin García, a traductora da obra, Rocio Vieitez, e o editor e responsable das fotografías da obra, o sonense, Adolfo Enriquez.
Durante la presentación do libro ofreceuse unha escolma dramatizada do texto por parte do actor Roberto Leal e a actriz Gloria Rico.
Promovendo a publicación deste libro atópase un novo proxecto co que se pretende poñer en valor contemporáneo e dinamizar o legado do escritor galego máis universal. Trátase do FORO GALICIA E VALLE-INCLÁN, proxecto que conta coa presencia de destacados profesionais e valleinclanistas.
O acto de onte foi a data elixida para a constitución desta entidade de ámbito galego. Unha iniciativa que se centrará na promoción e na realización de actividades e accións relacionadas co xenio literario e ca figura humana do autor arousa guiado por un ideario integrador do ronsel creativo de Ramón del Valle-Inclán co toda a Comunidade de Galicia.
