O Consistorio de Ribeira amosa estes días unha mostra de óleos e vidreiras da artista local Goretti Bello. Está formada por un total de 22 obras. Dende este venres 16 de decembro adornan a Casa do Concello despois de que se procedese á súa inauguración. A artista Goretti Bello Seráns é unha ribeirense retornada dende Australia que conta con obradoiro propio na cidade.
Goretti Bello explicou que nas súas creacións traballa moito coa cor, tal e como se pode percibir na mostra, e que un dos motivos que máis lle gustan son os arlequíns, que “contan historias e alegran a vida”, dixo.
A concelleira de Cultura, María Sampedro, agradeceu a oportunidade de exhibir todas estas creacións, que ademais axudan a darlle cor á Casa do Concello nesta época de Nadal.
A mostra Goretti estará exposta ata o 10 de febreiro.
