O Concello de Noia ten novidades acerca da súa aposta polo deporte local e por mellorar as instalacións deportivas do municipio. En concreto, fontes do Consistorio informaron que a vila contará nas vindeiras datas cunha nova multipista no Colexio Felipe de Castro: Ttrátase dunha futura instalación que poderá ser empregada tanto polo alumnado do centro, dentro do horario lectivo, coma polo resto da veciñanza fóra do horario lectivo”, sinalou o Concello.
A multipista estará habilitada para practicar diferentes modalidades deportivas tales coma fútbol sala, baloncesto, tenis, bádminton ou pádel, entre outras.
A actuación, que conta cun investimento de 100.000 euros do que a Xunta aporta o 75% e o Concello o 25% restante, está enmarcada dentro do novo Plan da nova Arquitectura Pedagóxica de Galicia.
O alcalde de Noia, Santiago Freire, subliñou o compromiso do Goberno local “para potenciar e mellorar as infraestruturas deportivas da vila” e habilitando tamén “unha nova zona segura e moderna para practicar deporte e fomentar hábitos saudábeis”.
