Pedra da Aroña reivindica este domingo en Moimenta a nosa sabedoría popular

Quen queira coñecer máis a fondo a nosa cultura tradicional, poñendo o foco na rica tradición oral da nosa comarca, vai ter este domingo 30 de outubro unha boa ocasión de facelo. Será en Moimenta (Boiro), da man da Asociación Cultural Pedra da Aroña, con sede en Boiro, a partir das 16.30 horas. A Xuntanza na Aldea desenvolverase baixo o lema Recuperando a tradición oral. Haberá faladoiros coa veciñanza para recompilar información sobre as tradicións, as costumes, as músicas e os bailes, as festas nas diferentes xeracións.. A continuación, foliada e queimada.