O Concello de Porto do Son achegou detalles sobre os seus vindeiros traballos en materia de saneamento. Segundo informaron fontes do Consistorio, investirase durante o que resta de ano preto de 3 millóns de euros neste tipo de obras, dos que preto de medio millón serán financiados polo POS+ Adicional da Deputación da Coruña. A Corporación aprobou estes traballos no pleno extraordinario fo pasado venres.
A contía adicarase na súa totalidade á ampliación da rede de saneamento. Inclúense obras en O Curro, Gansín, Agrelo, O Couto e Castrallón, todos eles núcleos das parroquias de Nebra e Noal. O saneamento destes lugares implica un investimento de 340.236,14 euros.
O plan tamén abrangue traballos na Atalaia (O Son), onde se vai habilitar depuradora compacta con filtro biolóxico, en Xuño (melloras na depuradora) e en Caamaño (posta a punto do bombeo).
