Esta novela ambientada no século IX será presentada o venres 7 de outubro no Lustres Rivas, ás oito da tarde. O autor, Emilio Vázquez, nacido en Santiago de Compostela, Visitou xa o Lustres Rivas ano 2020, cando amosou ó público a súa primeira obra, de carácter intimista “50 anos de mentiras”.
Con “Emil el rival” saca a súa faceta máis lendaira. Esta novela é o o primeiro volume dunha saga viquinga onde se narran as aventuras e desventuras deste líder normando de orixe gaélico, desde que non era máis que un raparigo de 8 anos cando foi apresado como escravo nunha das razias destes feroces guerreiros do Norte polos poboados contiguos ao río Volia (Ulla), despois de ser saqueados brutalmente e pasados polo fío do aceiro a maioría dos seus habitantes.
Unha vez en terras escandinavas, debido a unha serie de acontecementos, é adoptado polo Jarl (un nobre) da rexión e acaba converténdose, co paso do tempo, en Emil O Rival: Un viquingo de ollos marróns e escura e rizada cabeleira.
