“Clarificar os por que de cada quen na pesca de fondo”. Antón Luaces

01 Outubro 2022

Que políticamente non existe concordancia entre o Goberno central e varias comunidades autónomas (entre estas Galicia) é tan evidente, que algo tan enrevesado para o sector pesqueiro como é o regulamento 2022/1614 da Comisión Europea sobre a pesca de fondo ou a pesca en augas profundas nen sequera deixa claro para o sector se ten a razón a Comisión, o Goberno ou as citadas comunidades autónomas no que a aplicación desas medidas significa arestora ou pode significar nun futuro inmediato.

Partindo do feito de que a maioría deste sector considera que o veto ás artes de fondo por parte da Comisión Europea carece dun apoio científico sólido, contundente na súa exposición, o certo é que para o Goberno central non hai decisión tomada oficialmente sobre pedir a suspensión  dese veto. E mesmo minimiza o impacto deste que, para o Ministerio de Pesca, será mínimo inicialmente. Manda chover na Habana!.

A Xunta de Galicia ten unha outra cor no cristal da súa óptica: ese veto vai significar un  custo de 816 millóns de euros e afectará a máis de 4.000 tripulantes de algo máis de 200 pesqueiros con base en portos galegos.

Quen me compra un lío?.

Ou, dito doutro xeito: quen oculta datos verdadeiros do trasfondo deste regulamento que debe entrar en vigor o vindeiro 9 de outubro?. Por que dubida o Ministerio de Luis Planas á hora de pedir a suspensión que a España mariñeira e pescadora esixe?. Por que as organizacións ecoloxistas están tan satisfeitas, que connivencias hai entre elas e a Comisión na que o eurocomisario Sinkevicius fai e desfai para, ao final, dicir que si hai evidencias de erros na apreciación aínda se pode corrixir o texto do devandito Regulamento?. Cando?. Hai tempo acaso para tal corrección a menos de dúas semanas da súa vixencia ou sabe xa o eurocomisario que un recurso ben fundamentado por parte de España, Portugal, Francia e Irlanda diante do Tribunal de Xustiza da UE tumbará ese seu regulamento estrela?. A que se xoga en Bruxelas e Estrasburgo? . Por que afogan ao sector pesqueiro que tan importante papel desempeña nos países atlánticos europeos cando xa non está na UE a forza do Reino Unido e Alemaña está perdida para a causa?. É a carencia de Estados membros con intereses na pesca o que fai que a CE con Sinkevicius -absoluto descoñecedor do que é a pesca- diante o que sementa ruina e discordia en catro socios da UE do calibre dos xa citados Francia, Portugal, Irlanda e España?.

Hai alguén máis cas organizacións medioambientalistas que empurre a Sinkevicius a ese cavorco do que non vai poder sair se non é para prestar servizos ás devanditas organizacións nun futuro non lonxano?.

Pode explicar alguén a indefinición neste penoso asunto do ministro español  de Pesca?,

É evidente que aquí cada quen xoga un papel ben distinto que, con seguridade, sería outro se Madrid tivera mar e pesca con Ayuso por diante.

Outros artigos

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....

+

“Medallas Castelao”. Alberto Barciela

A Medalla Castelao é unha condecoración civil outorgada polo Goberno de Galicia. Proponse distinguir a obra artística, literaria, intelectual ou calquera outro tipo de obra dunha distinguida personalidade galega. Foi creada en 1984 con motivo da volta a Galicia dous...

+

Publicidade

Revista en papel

Opinión

“¿Qué es la vejez?, pros y contras” – Manuel Domínguez

“¿Qué es la vejez?, pros y contras” – Manuel Domínguez

La vejez es el abandono de la juventud, pero tampoco así es muy cierto ya que hay jóvenes viejos. La doble foto que muestro es de los actores Anouk Aimée y Jean Luis Trintignant, del film, “Un hombre y una mujer”, la inferior 50 años después, titulada” Los años mas...