Este sábado 3 de setembro Rianxo converteuse ca capital galega do xadrez. Foi grazas a unha nova edición do internacional de Xadrez Concello de Rianxo, a XIII convocatoria. O evento contou coa participación de máis 200 xogadores, que desfrutaron das probas incluídas e da presenza de mestres internacionais e de dez xogadores situados por enriba dos 2.000 puntos de Elo FIDE (sistema de clasificación da forza dos xogadores da Federación Internacional de Xadrez que se obtén como resultado dos enfrontamentos entre xogadores federados). Ademais dos trofeos e dos agasallos, estaban en xogo mais de 2.000 euros en premios.
Os tres primeiros clasificados absolutos foron:
-Campión: Julio Suárez Gómes.
-Subcampión: Fernando Sanchez Aller, xogador do Club Xadrez Rianxo.
-Terceiro: Pedro Gil Ferreira Da Silva.
Desde a organización (Club Xadrez Rianxo e Área de Deportes do Concello) salientaron o éxito de participación e afluencia de espectadores e anunciaron que xa comezan a traballar na edición do ano que vén.
Na entrega de premios participaron Xusto Ordóñez, concelleiro de Deportes, e Daniel Martínez Dourado, presidente do Club Xadrez Rianxo.
