Este sábado 24 de setembro o Pazo de Goiáns volve ser o epicentro cultural da comarca coa representación de Leira, un espectáculo de Nova Galega de Danza. Dará comezo ás 20.30 horas.
Trátase dunha montaxe que forma parte da programación Bailando a Terra. Con Jaime Pablo Díaz na dirección artística, o espectáculo relaciona a beleza dos traballos agrarios coa danza e a presenza da muller en relación cos fenómenos naturais.
A coreografía inclúe instrumentos de labranza nun espectáculo de danza e música no que conflúen corpos e terra.
