Esta semana (até mañá xoves) está en Porto do Son unha iniciativa itinerante dirixida a achegar atención e servizos ás persoas maiores ao tempo que se mellora a súa calidade de vida. Estamos a falar do servizo Coidados Porta a Porta.
As persoas maiores do termo municipal poderán facerse de balde unha revisión do oído ou dos pés na unidade móbil do servizo Coidados Porta a Porta (Consellería de Política Social) que está instalada até o 22 de setembro na zona do parque da vila sonense.
Os servizos que se prestan son:
-Estimulación de memoria cognitiva e funcional, promoción de hábitos de vida saudables e de envellecemento activo.
-Podoloxía. Corte e limpeza de unllas, eliminación de durezas.
-Audioloxía. Exploración do oído, prevención da perda auditiva.
Para gozar destes servizos as persoas interesadas deben concertar cita previa nos seguintes teléfonos: 622 748 283 – 623 546 992.
Máis información en coidadosportaaporta.politicasocial@xunta.gal.
