A Consellería de Medio Rural informa a través das redes sociais que a situación dos lumes forestais con datos recollidos na Barbanza chegan xa ás 1.200 hectáreas, sendo o mais importante dos que se rexistran nas últimas horas en Galicia. Está activada como medida preventiva a Situación 2 pola proximidade do lume ao núcleo de Piñeiro.
Nas tarefas de extintición interveñen 3 técnicos, 45 axentes, 87 brigadistas, 40 motobombas, 4 pas, 1 unidade técnica de apoio, 12 avións, 9 helicópteros e a Unidade Militar de Emerxencia.
Tal como informamos o incendio de Boiro obrigou a desaloxar o camping de Oleiros, unhas 700 persoas e obrigou a habilitalo polideportivo de Palmeira para acoller os desprazados.
Imaxes remitidas polos lectores de “obarbanza.gal”. Grazas pola colaboración e podedes mandarnos fotos por whatsapp 608240160 ou a redaccion@obarbanza.gal.
