O Concello de Rianxo reforma o muro perimetral do Colexio Brea Segade de Taragoña

O Concello de Rianxo informou estes días do desenvolvemento dos traballos destinados a reformar o muro perimetral do Colexio Brea Segade de Taragoña. A brigada de obras municipal é a que se encarga da realización das tarefas destinadas a remodelar o muro exterior do colexio, obras que comezaron o ano pasado cun primeiro treito e que proseguen agora coa substitución do frontal completo mediante un muro formigonado que levará un pintado posterior que mudará as cores da estrutura.

Os traballos van ser realizados integramente por traballadores municipais e estará listo antes do inicio do curso mellorando a seguridade e dando unha nova paleta de cores o edificio.