Rianxo, entre os concellos incluídos na Campaña de Vela 2022 da Deputación e os seus cursos de formación

Rianxo foi un dos concellos elixidos para ser sede da Campaña de Vela 2022 organizada pola Deputación da Coruña. O curso formativo relativo a esta modalidade deportiva náutica desenvolverase do 22 ao 26 de agosto e vai dirixido a rapaces e rapazas empadroados/as nun concello da provincia da Coruña, nados entre o 1 de xaneiro de 2004 e o 31 de decembro de 2013 ambos inclusive, se ben no caso de Rianxo terán prioridade os nenos e nenas empadroados no propio municipio, tendo reservadas 7 prazas en cada quenda (mañá ou tarde).

O pazo de inscrición está aberto e o prazo remata o 4 de agosto.

No Servizo de Deportes do Concello de Rianxo facilitarase a información e axudarase a cumprimentar a ficha, podendo entregarse na oficina ou mandala por correo electrónico. No caso de existir moitas solicitudes, realizarase un sorteo e o Concello elaborará unha listaxe de reserva.

Prazas

32 en total. 14 para empadroados no concello de Rianxo.

16 na quenda de mañá. 7 para empadroados no concello

16 na quenda de tarde. 7 para empadroados no concello

Calendario e horarios

Rianxo é a 6ª quenda, do 22 ao 26 de agosto.

Horario de mañá – Grupo A: 10 a 14 h.

Horario de tarde – Grupo B: 16 a 20 h.

Información

Servizo Municipal de Deportes: deportes@concelloderianxo.gal Telef: ​​​​​​​661 247 136 – 981 86 63 81

Gabinete de Deportes da Deputación da Coruña: 981 06 06 44 (gabintete.deportes@dacoruna.gal)

Cota de inscrición

25 €, que se ingresarán na conta que determinará a Deputación da Coruña, facendo constar: “CAMPAÑA DE VELA 2022”, xunto co nome do participante.

A Deputación da Coruña informará puntualmente do número de conta a través da páxina web da área de Deportes.

Actividades

Iniciación ós conceptos teóricos da navegación a vela.

Iniciación ó coñecemento básico dos nós mariños.

Realización práctica de navegación a vela.