O festival “O Son do Camiño” celebrarase, segundo o previsto, do 16 ao 18 de xuño

11 Xuño 2022

A organización de O Son do Camiño confirma que o festival continúa adiante, despois do accidente, e vai celebrarse no Monte do Gozo nas datas previstas: o 16, 17 e 18 de xuño.

Segundo informa nun comunicado, están a traballar nos axustes, que se darán a coñecer proximamente.

“Agradecemos aos servizos de emerxencia, bombeiros, Policía, e a todas as persoas, empresas e institucións, que participaron nas últimas horas na normalización da actividade do festival, todo o seu traballo e apoio”.

Do mesmo xeito, considera que foron claves no desenvolvemento dos acontecementos “os equipos de protección individual, a profesionalidade e a experiencia das empresas implicadas na montaxe e a rápida activación do protocolo de emerxencias”.

“Non queremos pechar este comunicado sen facervos partícipes de que seguimos, minuto a minuto, a evolución dos traballadores feridos. Para nós son familia”, conclúe o texto.

Dous guindastres

Coa zona acordoada, este sábado os operarios comezaron a traballar para levantar o escenario. Ás once e media da mañá chegaban ao Monte do Gozo dous guindastres para intentar elevar a megaestrutura de 36 metros de ancho e 21 de fondo.

É un proceso lento e complicado que se desenvolve con todas as medidas de seguridade e intentando non danar máis a estrutura metálica.

Ao tempo que continúan estes labores, prosegue a avaliación de todos os danos e as inspeccións da zona. Axentes da Policía e os bombeiros de Santiago volveron á zona cero do sinistro.

No resto do recinto do Monte do Gonzo prosegue a montaxe doutros espazos previstos no festival “O Son do Camiño”, como o lugar da acampada para aloxar unhas 500 tendas.

Outros artigos

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...