O congreso de odontoloxía reunirá na Pobra profesionais de España e Portugal

08 Xuño 2022

A Pobra acollerá o vindeiro 11 de xuño a décimo quinta edición do simposio organizado polo Atlantic Dental Institute dentro das actividades de Dentsply Sirona Academy. Participarán no congreso 200 profesionais da odontoloxía de España e Portugal nunha cita que converterá a vila nun punto de referencia no ámbito da formación odontolóxica especializada. O congreso recupera o formato presencial trala paréntese ocasionada pola pandemia derivada da COVID-19 en 2020 e trala súa realización na modalidade a distancia no pasado ano. Os detalles da cita foron dados a coñecer este mércores 8 de xuño en rolda de prensa.

O doutor Gonzalo López Castro, impulsor do evento, puxo de manifesto a importancia da tecnoloxía de vangarda no panorama da medicina e, nomeadamente, na odontoloxía. Neste senso, sinalou que, actualmente, o/a paciente “pode acceder ao tratamento final previo á realización, polo que podemos acceder á visualización do resultado final do tratamento, á planificación e á diagnose”. Pola súa parte, José Rodríguez, en representación de Dentsply Sirona Academy, agradeceu a disposición existente na Pobra para seguir a colaborar con este proxecto.

Na súa intervención, o alcalde, Xosé Lois Piñeiro (Nós Pobra), recoñeceu o esforzo realizado polas dúas entidades presentes para que “o noso concello se sitúe na vangarda da odontoloxía” e agarda que as persoas asistentes coñezan os recursos e actividades de lecer presentes na localidade.

O dito evento formativo revisará os últimos avances producidos no ámbito da odontoloxía, facendo especial fincapé na implantoloxía, dende o punto de vista do/a paciente como centro de todo o proceso asistencial.

O programa impartirase durante toda a mañá no Auditorio do Museo Valle-Inclán e arrancará co coloquio Hagamos predecible la ortodoncia digital, da man de José Santos Soage, director clínico de Dental Forte e especialista en odontoloxía multidisciplinar, para dar paso ao doutor Alberto Monje con La regeneración como método de prevención.

Despois dunha breve pausa, será a quenda de Sinergia Bilogía-Tecnología para el reto de el implante unitario en el área estética, a cargo de Sergio García Bellosta, co-director do Mestrado en Odontoloxía Integrada de Adultos da Universidade de Barcelona e experto en odontoloxía mutidisciplinar, e concluirá cunha mesa redonda.

A maiores, na xornada previa, Alberto Monje impartirá a un grupo reducido de 24 profesionais o obradoiro teórico-práctico Terapia reconstructiva para el manejo de la preiimplantitis na clínica do doutor Gonzalo López Castro.

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...

“Paz e despois gloria”. Luís Celeiro

“Paz e despois gloria”. Luís Celeiro

Eles tamén ganaron, aínda que desta vez, como noutras ocasións, houbo perdedoresagochados detrás do parapeto da verborrea ou dese inmenso muro de silencio. Taménhoubo quen, con tristura e desacougo, admitiu a derrota e parece que está en disposiciónde intentalo...