Este 28 de xuño celébrase o Día Internacional das persoas Lesbianas, Gais, Bisexuais, Transexuais, Transxénero e Intersexuais. Foi ese día, pero de 1969 cando en Stonewall, no barrio Neoyorkino de Greenwich Village, orixínanse as primeiras iniciativas en defensa deste colectivo, xerando o
movemento internacional para o recoñecemento dos dereitos de todas aspersoas LGTBI.
É importante que toda a sociedade participe da celebración deste día, que nos lembra que debemos seguir a traballar e avanzar na construción de sociedades máis tolerantes, que sexan capaces de convivir en diversidade e, sobre todo, que promovan o cumprimento dos dereitos de todas as persoas LGTBI. Non
se pode esquecer que os dereitos do colectivo LGTBI son e serán sempre dereitos humanos, e non debemos deixar de construír contornas cada vez máis xustas, en todos os sentidos; baseadas en principios tan esenciais como a igualdade, tolerancia, respecto e liberdade.
É certo que avanzamos moito, tanto que hoxe somos o terceiro país da contorna europea con maiores cotas de aceptación do colectivo LGTBI; Galicia conta desde o 2014 cunha Lei específica e propia de igualdade de trato e a non discriminación das persoas LGTBI e desde 2018 co Observatorio galego contra a discriminación por orientación sexual e identidade de xénero.
Dende o Concello de Ribeira, sen embargo, somos conscientes de que quedan cousas por facer e, sumámonos sen ambaxes á Resolución aprobada no Parlamento Europeo en marzo de 2021, onde se declara que a Unión Europea é zona de liberdade para todas as persoas LGTBI, que non se tolerará a
retórica perigosa e discriminatoria que pode impedir que millóns de cidadáns e cidadás vivan tal e como desexen. Así, estamos totalmente en contra de calquera tipo de discriminación por razón de orientación sexual e defendemos o dereito á plena igualdade, á dignidade, e ao libre desenvolvemento da
identidade sexual e/ou de xénero.
A Corporación Municipal de Ribeira recoñece explícita e publicamente que os dereitos das persoas LGTBI son dereitos humanos e que a diversidade sexual debe contemplarse como un dereito básico en calquera ámbito da vida por iso este Concello fará accións e actividades que fomenten a tolerancia e o
respecto á diversidade diversidade e liberdade sexual das persoas.
