A Xunta investirá 6,1 millóns de euros en “potenciar” as Illas Atlánticas no seu 20 aniversario como parque nacional

05 Xuño 2022

A piques de cumprirse o 20 aniversario da declaración das Illas Atlánticas como parque nacional, a Xunta de Galicia puxo hoxe en valor a posición de referencia a nivel internacional acadada por este espazo no eido do turismo sostible e respectuoso coa natureza.

Precisamente por iso as illas Cíes foron o escenario escollido polo Goberno galego para acoller o acto central da Semana por unha Galicia sostible, organizada para conmemorar o Día mundial do medio ambiente que hoxe cumpre medio século co reto de seguir concienciando sobre a necesidade de protexer o planeta e salvagardar os recursos.

Así o destacou esta mañá a conselleira de Medio Ambiente, Territorio e Vivenda, Ángeles Vázquez, que en compañía da delegada territorial da Xunta en Vigo, Marta Fernández-Tapias, se desprazou en barco ata as Cíes para realizar a ruta peonil do Alto do Príncipe, unha das zonas coas vistas máis espectaculares de toda a illa.

Tras lembrar que o vindeiro 1 de xullo o Parque Nacional marítimo-terrestre das Illas Atlánticas de Galicia cumprirá dúas décadas como tal, Vázquez Mejuto salientou que neste período de tempo o conxunto que conforman os arquipélagos de Cíes, Ons, Sálvora e Cortegada consolidouse como todo un referente medioambiental non só a nivel galego senón tamén nacional e internacional.

Neste sentido, subliñou a importancia que ten para os seres humanos poder vivir en “harmonía e paz coa natureza”, recordando que o noso patrimonio natural é un dos sinais de identidade de Galicia e un factor clave que cada ano atrae a un maior número de visitantes á Comunidade, sendo as Illas Atlánticas un dos seus principais reclamos.

Así o demostran os datos de afluencia que rexistra o Parque Nacional durante as épocas nas que se permite o transporte regular a Cíes e Ons —do 15 de maio ao 15 de setembro e durante a Semana Santa— cunha tendencia crecente que só se viu alterada polas restricións impostas debido á crise da covid.

Ao respecto e tras indicar que nos cinco primeiros meses do ano case 50.000 persoas visitaron as Illas Atlánticas, a conselleira considerou que estes datos permiten prognosticar que 2022 volverá rexistrar cifras de visitantes previas á pandemia e recuperará a tendencia pola que está considerada a “xoia da coroa” do patrimonio natural da Comunidade.

Así, recordou que entre xaneiro e maio do ano pasado o balance de visitantes dos catro arquipélagos foi de 18.776 persoas mentres que no mesmo período de 2020, coincidindo cos meses de confinamento, a cifra se situou en apenas 2.332 visitantes.

Máis de 6,1 M€ en investimentos

Co fin de potenciar o papel de referencia que teñen xa as Illas Atlánticas no eido da protección do patrimonio natural e do seu aproveitamento público desde unha perspectiva respectuosa coa contorna, Ángeles Vázquez salientou o esforzo investidor que fará a Consellería nos vindeiros anos para consolidar a posta en valor deste espazo.

En concreto, a Xunta levará a cabo actuacións no Parque Nacional que suman un investimento de máis de 6,1 millóns de euros, con medidas tan relevantes no caso de Cíes como a construción dunha nova rede de abastecemento de auga, a mellora da caseta de información aos visitantes ou os traballos de restauración e protección ambiental que se centrarán, sobre todo, no Castro das Hortas e na duna de Muxieiro.

Outros artigos

Ribeira celebrará este domingo 25 de febreiro o seu Xantar de Maiores

O Concello de Ribeira celebra este domingo o Encontro das Persoas Maiores no Pavillón da Fieiteira. Espérase dar acollida a máis de 870 persoas maiores de 55 anos ou xubiladas. O evento comezará ás 12:00 horas coa celebración relixiosa na Igraxa Parroquial de Santa...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...