O delegado da Xunta na Coruña, Gonzalo Trenor, e a alcaldesa de Muros, María Inés Monteagudo, supervisaron este venres 10 de xuño o resultado das obras de mellora da pavimentación do camiño ao cemiterio de Solleiros, que contaron cun investimento do Goberno galego de 45.000 euros e que se enmarcaron no Plan de Mellora de Infraestruturas Rurais.
Esta obra contou cunha lonxitude total de actuación de 258 metros, mediante estendido de mestura bituminosa en quente 6 cm, beirado 30 cm ámbalas dúas marxes con empedrado (adoquín) de granito 10x10x20 cm, incluíndo a roza e a limpeza de superficies, preparación da base e posta á nova cota de rexistros.
