A Garda Civil do Posto Principal de Boiro intensificou o seu labor enfocado a loitar contra o tráfico de drogas polo miúdo na comarca coruñesa do Barbanza e detivo o pasado mes de abril a tres persoas por outros tantos supostos delitos contra a saúde pública na modalidade de tráfico de drogas mediante o menudeo. Todos eles xa postos a disposicion xudicial e investigados.
Segundo informa o Instituto Armado, a primeira detención tivo lugar o 4 de abril cun mozo de 31 anos de idade e veciño da localidade de Rianxo que rexentaba un establecemento hostaleiro. Se lle aprehendieron 5 envoltorios plásticos termosellados que contiñan cocaína e que se atopaban preparados para a venda ao consumidor final, ademais dun teléfono móbil, un turismo e 120 € en metálico. O detido foi posto ao dispor do Xulgado de Garda de Padrón.
A segunda detención levou a cabo o 07 de abril, neste caso trátase dun mozo de 24 anos de idade e veciño de Ribeira, ao que se lle aprehendieron 19 envoltorios plásticos termosellados que contiñan cocaína e que se atopaban preparados para a venda ao consumidor final, ademais dun teléfono móbil, un turismo e 1.625 € en metálico. O detido foi posto ao dispor do Xulgado de Garda de Ribeira.
E días despois, o 26 de abril, produciuse a terceira detención, neste caso unha vella coñecida das forzas de seguridade xa que esta muller, de 54 anos de idade e veciña de Boiro, xa fora detida facía 5 meses polo mesmo delito no marco da Operación PORTAL TWO, que permitiu desarticular un narcopiso que operaba na localidade boirense e a incautación de distintas cantidades de cocaína, heroína e metadona, ademais dunha importante cantidade de diñeiro en efectivo.
Na detención que se practicou este pasado mes de abril, a esta muller se lle aprehendieron 24,67 gramos de cocaína que supoñerían no mercado ilícito unhas 122 doses e 1,46 gramos que corresponderían con outras 13 doses, ademais dun vehículo que utilizaba para desprazarse na comisión do delito. A detida foi posta ao dispor do Xulgado de Garda de Ribeira.
