Este venres 13 de maio a Casa da Cultural de Boiro vai dar a acollida a un espectáculo encadrado na axenda mensual das Letras Galegas no municipio: o espectáculo A miña lingua, a túa lingua, a cargo da agrupación Oviravai. Será a partir das 20.00 horas. A función abéirase ao programa Falaredes que impulsan a Secretaría Xeral de Política Lingüística e os Concellos.
Oviravai é unha compañía galega adicada ao desenvolvemento de contidos educativos e culturais para público infantil e familiar. Os seus fundadores, Verónica Santalices e Federico Welicki, xunto con Erika Welicki Santalices e Xacob Welicki Santalices, conforman o núcleo principal dun equipo que conta con mais de 15 artistas de diversas disciplinas.
Un dos seus lanzamentos en 2022 foi o libro A miña lingua, a túa lingua, no que a cabuxa Lú vainos ensinar conceptos básicos de inglés co galego como lingua vehicular mediante músicas que farán que a aprendizaxe sexa moi doada.
