Dodro celebrará o Día da Bicicleta con dous percorridos colectivos, xogos e trofeos

Volve a Dodro o Día da Bicicleta, unha xornada para celebrar hábitos saudábeis en cuestión de mobilidade e lecer, medios de transporte máis sustentábeis e limpos e estradas máis seguras para os usuarios deste vehículo. Será o vindeiro 4 de xuño. As inscricións poderanse facer a parir das 10.00 horas da devandita xornada. A saída está prevista para as 11.15 horas.

Haberá dous percorridos: un anel de 2,3 quilómetros para os menores de 7 anos e outro de 12 quilómetros para a rapazada (e os adultos) de 7 anos en adiante. O programa tamén inclúe unha xincana para as crianzas, un trofeo para a persoa participante de máis idade, e outro premio para a nena ou o neno de menos idade. Será obrigatorio o uso de casco.
Máis información no 981802532 no Departamento de Deportes do Concello de Dodro.

Organiza o Concello en colaboración coa Deputación da Coruña.

O punto de encontro será o Pavillón Polideportivo Municipal.