Catro homes de entre 25 e 50 anos a maioría con antecedentes policiais son, segundo cree a Garda Civil, responsables dunha onda de roubos entre setembro e outubro do ano pasado, en garaxes e rochos de Pontecesures.
O seu primeiro golpe foi nun garaxe comunitario, onde asaltaron dous vehículos. Semanas máis tarde entraron noutro baixo, neste caso forzando ademais de varios coches, a porta dalgúns rochos.
Segundo a Benemérita en todos os casos investigados comprobouse que forzaban as portas dos rochos dos garaxes para subtraer bicicletas, maquinaria, todo tipo de ferramentas e en ocasións algo de comida.
As investigacións realizadas polo equipo da Compañía da Garda Civil permitiron, recuperar algúns deses obxectos en establecementos de compravenda de material de segunda man.
Tamén axentes do Instituto Armado están a investigar penalmente a outras tres persoas. S egundo explican desde a Garda Civil de Pontevedra, utilizarían tarxetas subtraídas en dous vehículos para retirar 3.000 euros. O asunto lévao agora o xulgado número 2 de Caldas de Reis.
