Até 150 persoas participaron na estrea da Ruta Literaria Rosalía nos Camiños

23 Maio 2022

Finalmente, tal e como está previsto na axenda das Letras Galegas da nosa comarca e a de Sar, este sábado 21 de maio foi data escollida para a presentación oficial da Ruta Literaria Rosalía nos Camiños, deseñada polos Concellos de Dodro, Padrón e Rois, en colaboración coa Fundación Rosalía de Castro. Trátase dunha senda de 15 quilómetros que percorre os municipios da comarca do Sar, pasando por algunhas das paraxes mencionadas no poemario de Rosalía de Castro, En las orillas del Sar. Na andaina de estrea deste roteiro literario participaron 150 persoas. Os camiñantes máis rápidos en chegar ao remate fixérona en 2.15 horas. O Concello de Dodro compartiu un vídeo desta primeira experiencia. O inicio da actividade foi ás 16.30 horas no Paseo do Espolón en Padrón, xunto a escultura da nosa poeta máis célebre.

Lugares de visita obrigada

Este itinerario permite coñecer o lugar de Fondóns, en Rois, o Paseo do Espolón, o Santiaguiño do Monte, a Igrexa de Iria Flavia, a Casa Museo e a praza Ramón Tojo, en Padrón e xa, en Dodro, o palacio de Lestrobe, a praza do Mercado, a fonte de Santa María e as Torres de Hermida. A ruta con saída e chegada no Espolón de Padrón, está sinalizada con fitos de pedra realizados polo canteiro José Conde, que levan esculpida unha figueira deseñada polo escultor Camilo Seira.

O Concello de Dodro quixo convidar a toda a poboación a “sumarse a esta celebración” e “festexar o seu compromiso pola defensa da nosa cultura e identidade como pobo, traballando colectivamente por mil primaveras máis para a lingua galega”.

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...