O vindeiro 6 de maio, ás 20.30 horas, preséntase na Casa da Cultura Raquel Fernández Soler da Pobra o libro Arthur Rimbaud. Iluminacións & Unha tempada no inferno, coidada edición dos históricos poemarios do poeta francés con tradución e notas de Eme Cartea e ilustracións de Manuel Teira. A presentación do libro compleméntase, no mesmo escenario pobrense, coa inauguración dunha exposición homónima. Contarase coa presenza da conselleira de Cultura da Pobra, Patricia Lojo e dos devanditos artistas. Organizan o Concello da Pobra, a Asociación Cultural Barbantia, o Museo do Gravado de Artes, a Deputación da Coruña.
